قصة أغنية (بسحروك)

حكى الشاعر محمد علي أبوقطاطي
قصة أغنية(بسحروك )في إحدى اللقاءات،قال:في يوم من الأيام كنت في دار الإذاعة والتلفزيون بأمدرمان في غرفة الموسيقى مع فنانين ولمن خرجت من الإذاعة ماش على البيت خرجن بنات الثانوية من مدرسة (المليك)في ملازمين بعرفوها سكان أمدرمان القديمة.
قال في وسط البنات في بنت شاذة جدا كأنها شمس وباقي البنات نجوم ، فقال كنت أشوف في سلوك البنات تجاها قال كلما البنت دي تمشي تقيف مع بنتين بمشو منها. تاني تمشي تقيف مع واحدات تانيات برضو بنفرو وبروحو منها. من الغيرة والحسد
فقام طوالي كتب أغنية(بسحروك)
والتي تغنى بها الأستاذ المغني/ خليل إسماعيل من أجمل الاغاني السودانية
ﻓﻲ ﺑﻨﺎﺕ ﺍﻟﺠﻴﻞ ﺑﺸﻮﻑ ﺣﺴﻨﻚ ﻓﺮﻳﺪ
ﻓﻴﻚ ﻗﻮﺍﻡ ﺯﻱ ﺍﻟﻐﺼﻦ ﻭﻛﺘﻴﻦ ﻳميد
ﻭﺍﻟﺠﻤﺎﻝ ﺍﻟﻔﺎﺗﻦ ﺍﻟﻔﺎﺕ ﺍﻟﺤﺪﻭﺩ
ﺭﺑﻨﺎ ﻳﻐﻄﻴﻪ ﻣﻦ ﻋﻴﻦ ﺍﻟﺤﺴﻮﺩ
ﻭﺍﻟﻠﻪ ﺧﺎﻳﻒ ﻓﻲ ﻣﺸﻴﺘﻚ ﺑﺴﺤﺮﻭﻙ
ﺑﺴﺤﺮﻭﻙ ﻳﺎ السمحة ﻟﻮ ﺷﺎﻓﻮ ﺍﻟﺨﺪﻭﺩ
ﻭﻻ ﺷﺎﻓﻮﺍ ﺍﻻﻋﻴﻦ ﺍﻟﻤﻜﺤﻮلة ﺳﻮﺩ
ﺧﻮﻓﻲ ﺑﺲ ﻳﺎ سمحة ﻣﺎﺗﺼﻴﺒﻚ ﻋﻴﻮﻥ
ﺑﺴﺤﺮﻭﻙ ﻓﻲ ﺍﻟﺒﺴمة ﻟﻮ ﺷﺎﻓﻮ ﺍﻟﺴﻨﻮﻥ
ﻭ ﺍﻟﺴﻤﺎﺭ ﺍﻟﺒﺎﻗﻲ ﻟﻴﻚ ﻳﺎﺣﻠﻮة ﻟﻮﻥ
ﻭ ﺍﻟﺪﻻﻝ ﻭﺍﻟﺮﻭقة ﻭﺍﻟﻨغمة ﺍﻟﺤﻨﻮﻥ
ﻳﺎﺷﺒﻴﻪ ﺍﻟﺤﻮﺭ ﺑﺨﺎﻑ ﻣﺎﻳﺴﺤﺮﻭك
ﻭﻻ ﺷﺎﻓﻮﺍ ﺍﻻﻋﻴﻦ ﺍﻟﻤﻜﺤﻮﻟﻪ ﺳﻮﺩ
ﺍﻟﻌﺠﻴﺐ ﻛﻞ ﺍﻟﺒﻨﺎﺕ ﻣﻨﻚ ﺗﻐﻴﺮ
ﺷﺎﻓﻦ ﺍﻟﺠﺴﻢ ﺍﻟﻠﻄﻴﻒ ﺯﻱ ﺍﻟﺤﺮﻳﺮ
ﻭﺍﻟﻐﺰﺍﻝ ﺣﺎﺳﺪﻙ ﻋﺸﺎﻥ ﻓﻴﻜﻲ ﺍﻟﻀﻤﻴﺮ
ﻭﺍﻟﻬﻼﻝ ﻣﻦ ﻧﻮﺭ ﺟﺒﻴﻨﻚ ﻳﺴﺘﻌﻴﺮ
ﺑﺴﺤﺮﻭﻙ ﺍﻟﻨﺎﺱ ﻋﺸﺎﻥ ﻣﺎ ﺑﺸﺒﻬﻮﻙ
ﺑﺴﺤﺮﻭﻙ ﻳﺎﻟﺴﻤﺤﻪ ﻟﻮ ﺷﺎﻓﻮ ﺍﻟﺨﺪﻭﺩ
ﻭ ﻻ ﺷﺎﻓﻮﺍ ﺍلأﻋﻴﻦ ﺍﻟﻤﻜﺤﻮﻟة ﺳﻮﺩ
سيـــد نفســـك مـــين اسيــــادك
انضمامك يعني الانتشار والمصداقية
انضم إلينا عبر صفحة الفيس بوك 👇🏼
صفحة الفيسبوك
انضم إلينا عبر مجموعة الواتس آب 👇🏼
مجموعة الواتساب
انضم إلينا عبر قناة الواتس آب 👇🏼
قناة الواتساب
صحيفة التيـــار





